Is tír í Éire atá suite ar chósta thiar na hEorpa. Bhain sí méid áirithe neamhspleáchais amach ón Ríocht Aontaithe le síniú an Chonradh Angla-Éireannaigh ar an 6ú Nollaig 1921 faoin ainm “Saorstát Éireann” ach níor thiontaigh sí ina daonlathas ionadaíochta go dtí gur cuireadh Bunreacht na hÉireann i bhfeidhm ar an 29ú Nollaig 1937. Tá 26 contae i bPoblacht na hÉireann agus sé cinn eile i dTuaisceart na hÉireann, ceantar atá fós mar chuid den Ríocht Aontaithe.

Tá 4,234,925 duine ina gcónaí in Éirinn de réir Dhaonáirimh 2006. Tá méadú mór tagtha ar líon na n-inimirceach in Éirinn le blianta beaga anuas mar gheall ar bhorradh geilleagrach na 1990í agus ar fhairsingiú an Aontais Eorpaigh i dtús an chéid seo.

Is í Baile Átha Cliath príomhchathair na hÉireann agus an chathair is mó daonra. Ar na cathracha eile tá Corcaigh, Luimneach, Gaillimh, agus Port Láirge.